કેમ ભુલાય
દિલને ધડકન એક કરીને કરેલો પ્રેમ કેમ ભૂલાય
આંખોમાં અશ્રુ વડે કરેલો પ્રેમ કેમ ભૂલાય, પ્રેમમાં
તો લોકો પાગલ થતા હોય છે, પરંતુ નાદાનીમાં કરેલો
પ્રેમ કેમ ભૂલાય.
ખૂલ્લા આકાશમાં ચંદ્રમાની ચાંદનીએ કરેલો પ્રેમ
કેમ ભૂલાય, તારા એ સમયનાં સથવારે કરેલો પ્રેમ
કેમ ભૂલાય, મૌસમ બદલાય, ને લોકો બદલાય
પરંતુ આપણા એ સાચા પ્રેમને કેમ ભુલાય
તારી એ શરબતી આંખો જોઈને કરેલો પ્રેમ કેમ ભૂલાય,
તારૂએ હસતું મુખ જોઈને કરેલો પ્રેમ કેમ ભૂલાય,
હવે’તો તારી એક ઝલક પામવા શોઘુ છું આમ-તેમ,
પરંતુ વરસતા વરસાદમાં કરેલો પ્રેમ કેમ ભૂલાય.
ક્યારેક તો મારું હૃદય પણ બોલી ઊઠે છે, જવાદે-
એ બેવફાને, પરંતુ તારી વફાઓ સાથે કરેલો પ્રેમ
કેમ ભૂલાય...